Policia e Kosovës arreston një shtetas nga Maqedonia e Veriut, ishte në kërkim ndërkombëtar
Kronikë e zezë

Detaje ekskluzive nga përleshja me armë në Podujevë – babë e bir shtinë me armë pas konfliktit me tre persona, një i lënduar (EMRAT)

Posted on by botaelajmeve

Gazeta Sinjali mëson detaje të reja nga përleshja e armatosur që ka ndodhur pasditen e djeshme në Podujevë, ku katër persona përfunduan në pranga dhe një u lëndua pas një konflikti që për pak përfundoi me tragjedi.

Ngjarja ndodhi rreth orës 14:50 në rrugën “Xhemajl Mustafa”, afër rrethit të Kërpimehit, kur një mosmarrëveshje mes disa personave degjeneroi në dhunë fizike e më pas në përdorim të armëve të zjarrit.

Sipas informacioneve të Gazetës Sinjali, konflikti kishte nisur mes familjes Rrahimi dhe dy të rinjve Rrustemi, ku fillimisht Driton Rrahimi, rreth 24-vjeçar kishte goditur Mentor Rrustemin, rreth 22-vjeçar me një shufër druri, ndërsa më pas Zymer Rrahimi, rreth 69-vjeçar – babai i tij – kishte nxjerrë armën dhe shtënë disa herë në drejtim të tyre.

Në vendin e ngjarjes kanë qenë edhe Elmedin Rrustemi, rreth 21-vjeçar dhe Edona Hoxha, rreth 25-vjeçar, të cilët janë përfshirë në përleshje.

Si pasojë e incidentit, Mentor Rrustemi ka pësuar lëndime trupore, ndërsa të gjithë të përfshirët janë ndaluar nga Policia e Kosovës menjëherë pas ngjarjes.

Pas konsultimit me Prokurorin Kujdestar, ndaj tyre janë iniciuar këto vepra penale: Zymer Rrahimi, rreth 69-vjeçar – ‘Vrasje në tentative‘ dhe Mbajtje në pronësi, kontroll ose posedim të paautorizuar të armës, Driton Rrahimi, rreth 24-vjeçar – Vrasje në tentative, Elmedin Rrustemi, rreth 24-vjeçar – Mbajtje në pronësi, kontroll ose posedim të paautorizuar të armës, Mentor Rrustemi, rreth 22-vjeçar – Pjesëmarrje në rrahje.

Në vendngjarje, hetuesit kanë gjetur dhe sekuestruar armët e përdorura, ndërsa janë ekzaminuar gjurmët e shtënave dhe provat materiale.

Të gjithë të dyshuarit janë ndaluar për 48 orë, ndërsa hetimet janë në zhvillim për të përcaktuar saktësisht motivin e konfliktit dhe rolin e secilit.

Gazeta Sinjali do të sjellë detaje të reja nga ky rast që ka tronditur Podujevën, në momentin që hetimet avancojnë.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.

Gazeta SInjali