Dita 694 – Kundërsulmi i Rezistencës Palestineze shkakton tronditje në Ushtrinë Izraelite

Mediat izraelite thanë se luftimet e reja midis luftëtarëve palestinezë të rezistencës dhe ushtrisë izraelite në lagjen Zaytoun të qytetit të Gazës kanë lënë të paktën tre ushtar izraelit të vdekur dhe nëntë të tjerë të plagosur, me frikë se katër të tjerë mund të jenë kapur robër, transmeton Kosova Post.

Abu Obeida, zëdhënësi i krahut ushtarak të Hamasit, Brigadat Al-Qassam, tha se planet e Izraelit për të okupuar Gaza-n do të jenë një “katastrofë për udhëheqjen politike dhe ushtarake të Izraelit”.

Ai shtoi se kjo ofensivë do të rrisë mundësitë për kapjen e ushtarëve izraelitë të rinj, duke theksuar se luftëtarët e Hamasit janë në gatishmëri, me moral të lartë dhe të përgatitur për përballje.

Për fatin e të kapurve izraelitë që mbahen në Gaza, Abu Obeida tha se ata do të mbahen sa më mirë që të jetë e mundur dhe do të jenë pranë luftëtarëve në zonat e konfliktit, duke përjetuar të njëjtat rreziqe dhe kushte.

Ai premtoi gjithashtu se çdo ushtar izraelit i vrarë do të bëhet publik me emrin, foton dhe provat e vdekjes së tij.

Që nga 7 tetori 2023, Izraeli ka vrarë 63,371 persona dhe ka plagosur 159,835 të tjerë, shumica e të cilëve janë gra dhe fëmijë, sipas Ministrisë Palestineze të Shëndetësisë në Gaza.