Dorëzohen në Kosovë shenja të gishtërinjve të një personi nga Serbia, sipas ILECU-së i përkasin Faton Hajrizit

Ministria e Punëve të Jashtme dhe Diasporës ka bërë të ditur se fal Drejtorisë së Bashkëpunimit Ndërkombëtar Policor janë dorëzuar shenja gishtërinjësh nga Serbia, e që sipas tyre i përkasin qytetarit nga Kosova, Faton Hajrizit.

Ministria e Punëve të Jashtme dhe Diasporës mes tjerash apeloi opinonin publik, që lajmet nga Serbia të merren me rezerva deri në konfirmimin e plotë.

Njoftim
Lidhur me rastin e pretenduar nga ana e Serbisë të vrasjes së qytetarit të Kosovës në Serbi, informojmë opinionin publik që sapo jemi njoftuar nga Drejtoria e Bashkëpunimit Ndërkombëtar Policor – ILECU e Policisë së Kosovës se autoritetet serbe, më datë 22/07/2024, kanë dërguar shenjat e gishtërinjve të një personi dhe të njejtat shenja së bashku me shenjat e gishtërinjve të qytetarit të Kosovës, Faton Hajrizi, janë përcjellë në Agjencinë e Kosovës për Forenzikë, ku pas krahasimit nga AKF, ILECU ka pranuar përgjigje se këto gjurmë i përkasin qytetarit të raportuar si i vrarë, Faton Hajrizi.
Duke lutur opinionin që të gjitha këto lajme nga Serbia të merren me rezervë deri në konfirmimin e plotë të tyre, Ministria e Punëve të Jashtme dhe Diasporës do t’ju mbajë të informuar sapo të ketë informacione të reja në lidhje me këtë rast.