Klubi gjilanas, Drita ka siguruar kualifikimin në grupet e Ligës së Konferencës dhe pas kësaj arritje historike, drejtuesit kanë gëzuar futbollistët dhe stafin me premio.
E enjtja mbrëma ishte ditë historike për klubin e Dritës, i cili mposhti Differdange edhe në ndeshjen kthyese të ‘play-off’-it duke siguruar kualifikimin në grupet e Ligës së Konferencës pas një fitore me rezultat të përgjithshëm 3-1.
Ky sukses ishte historik për bardhekaltrit pasi do të shijojnë për herë të parë në histori grupet evropiane pas investimeve të mëdha tash e shumë vite.
Sipas burimeve të Telegrafit, drejtuesit e Dritës i kanë ndarë 150 mijë euro premio për lojtarët dhe stafin pas triumfit historik ndaj Differdange, triumf i cili ia siguroi grupet në Ligën e Konferencës.
Kështu, secili prej tyre do të marrë nga 5 mijë euro si shpërblim për përpjekjet dhe suksesin e arritur.
Ndryshe, Drita bëhet klubi i dytë nga Kosova që siguron grupet, pasi Ballkani e bëri dy herë në të kaluarën.
Të tjera
SHBA shet armë Ukrainës në velrë prej 825 milionë dollarësh
Kosova e Shqipëria forcojnë partneritetin ushtarak, trajnime të përbashkëta për operacione ujore
Shqipëria publikon listën e futbollistëve për ndeshjet e shtatorit