Kryetari i Partisë Demokratike të Kosovës, Bedri Hamza, ka reaguar pas votimit të një Deklarate dhe një Rezolute në Kuvendin e Kosovës dhe në Kuvendin e Shqipërisë, duke theksuar se në momente të rëndësishme kombëtare kërkohet unitet i plotë institucional.
“Dy kuvende, një qëndrim. Në emër të popullit, në mbrojtje të së vërtetës, historisë dhe sakrificës sonë,” ka shkruar Hamza, duke nënvizuar mbështetjen për ish-udhëheqësit e UÇK-së që po gjykohen në Hagë.
Ai theksoi se Hashim Thaçi, Kadri Veseli, Jakup Krasniqi, Rexhep Selimi dhe të gjithë çlirimtarët në Hagë “nuk janë vetëm”, duke falënderuar deputetët e Kosovës dhe Shqipërisë që, sipas tij, folën zëshëm në mbrojtje të dinjitetit, krenarisë dhe vlerave të luftës së UÇK-së.
Hamza e cilësoi këtë si një moment reflektimi dhe bashkimi kombëtar në mbrojtje të së vërtetës historike dhe sakrificës mbi të cilën është ndërtuar liria.
Të tjera
IKSHPK: Në Kosovë dominon gripi A/H3N2
Votimi i rezolutës riafirmoi qëndrimin tonë për drejtësi të paanshme, transparencë dhe respektim të dinjitetit të luf*tës sonë çlirimtare
Hargreaves: Britania e Madhe kërkon llogaridhënie të autorëve për sulmin në Banjskë, ata duhet të përgjigjen para drejtësisë