Agjencia e Statistikave të Kosovës ka publikuar të dhënat për Bruto Produktin Vendor në tremujorin e dytë (TM2) të vitit 2025, sipas aktiviteteve ekonomike dhe me qasjen e shpenzimeve. Të dhënat tregojnë se BPV-ja ka shënuar rritje reale prej 4.58% krahasuar me periudhën e njëjtë të vitit 2024.
Sipas raportit të ASK-së thotë se këto të dhëna pasqyrojnë një performancë pozitive të ekonomisë së Kosovës në tremujorin e dytë të këtij viti.
Sipas ASK-së, rritje kanë shënuar disa sektorë kyç të ekonomisë, përfshirë:
Aktivitetet financiare dhe të sigurimit (8.79%),
Aktivitetet profesionale, teknike dhe të shërbimeve administrative (4.27%),
Ndërtimtaria (4.15%),
Industria përpunuese (3.34%),
Tregtia, transporti, akomodimi dhe shërbimet ushqimore (3.62%),
Bujqësia, pylltaria dhe peshkimi (2.98%),
Informacioni dhe komunikimi (2.38%),
Aktivitetet e pasurive të paluajtshme (0.44%).
Në anën tjetër, rënie u regjistrua tek industria nxjerrëse, energjia elektrike, gazi, furnizimi me ujë dhe menaxhimi i mbeturinave, me një tkurrje prej -6.79%.
Nga ana e shpenzimeve, rritjen e BPV-së e kanë ndikuar:
Eksporti i mallrave dhe shërbimeve (10.42%),
Importi i mallrave dhe shërbimeve (13.23%),
Formimi i bruto kapitalit (10.99%),
Konsumi final i ekonomive familjare dhe i institucioneve jofitimprurëse që i shërbejnë ekonomive shtëpiake (3.91%).
ASK thekson se këto të dhëna pasqyrojnë një performancë pozitive të ekonomisë së Kosovës në tremujorin e dytë të këtij viti, me rritje të dukshme në sektorët e shërbimeve dhe investimeve.
Të tjera
Thuaji lamtumirë celulitit me këtë scrub natyral me kafe
Pse s’duhet të mbajmë sekrete?
Kurti mbi 309 mijë vota, Konjufca 240 mijë, 10 më të votuarit në VV pas numërimit të rreth 90 përqind të votave