Drejtoria për Bashkëpunim Ndërkombëtar Policor në koordinim dhe bashkëpunim me njësitë tjera relevante të Policisë së Kosovës dhe institucionet e drejtësisë, njofton se ka realizuar me sukses ekstradimin e dy të kërkuarve me letër rreshtim ndërkombëtar.
Policia njofton se “ekstradimet u realizuan me datat 17 dhe 19 shkurt 2026, pasi që të dyshuarit ishin arrestuar nga autoritete gjermane, të cilët ishin të kërkuar përmes Interpol-it, njëri për veprat penale “vrasje në tentative” dhe “armëmbajtje pa leje” ndërsa tjetri për veprën penale “vjedhje e rëndë”,”.
Të dyshuarit pas ekstradimit, u janë dorëzuar njësiteve përkatëse të policisë për vazhdim me procedurat tjera ligjore, vijon njoftimi.
“Policia e Kosovës do të vazhdoj me shkëmbimin e informacioneve me institucionet vendore, shtetet dhe organizatat ndërkombëtare me qëllim të parandalimit, hetimit dhe zbulimit të aktiviteteve kriminale që ndërlidhen me hetimin e kryesve të veprave penale, si dhe aktivitete tjera në gjurmimin, kapjen-arrestimin e personave dhe grupeve kriminale që veprojnë brenda dhe jashtë vendit”,përfundon njoftimi.
Të tjera
Geci sqaron pse votoi kundër mbështetjes financiare për ish-krerët e UÇK-së në Hagë
Metoda natyre për t’i mbajtur larg mushkonjat
Bjellorusi: Disidenti veteran që refuzoi të dëbohej lirohet