Elbert Krasniqi: E kam lexuar Kushtetutën, sot është radha e Nenad Rashiqit të zgjidhet nënkryetar nga komuniteti serb

Ministri në detyrë i Administrimit të Pushtetit Lokal, Elbert Krasniqi, ka deklaruar pak para nisjes së seancës së Kuvendit se sot është koha që Nenad Rashiq nga Partia e Pavarur Liberale të zgjidhet si nënkryetar i Kuvendit nga komuniteti serb.

Ai theksoi se e ka studiuar Kushtetutën e Kosovës dhe ka theksuar qartë se dy nënkryetarë duhet të jenë nga komunitetet – një nga komuniteti serb dhe një nga komunitetet jo serbe.

“E kam lexuar Kushtetutën, aty shkruan se dy nënkryetarë nga komunitetet, një nga komuniteti serb, dhe tjetri nga komuniteti jo serb, kjo është e rëndësishme. Emiljan e kemi zgjedhur nga komuniteti i komuniteteve jo serbe, sot është radha e Nenadit”, tha ai./EO/