Emisari francez takoi Barduanin: KFOR-i, mision që kontribuon në stabilitetin e Kosovës

I dërguari i posaçëm i Francës për Ballkanin Perëndimor, ambasadori Rene Troccaz, ka qëndruar për një vizitë zyrtare në Kosovë ditëve të fundit.

Pas takimeve që pati me krerët e institucioneve në vend, emisari francez sot është takuar edhe me shefin e KFOR-it, Enrico Barduani.

Troccaz pati fjalë të mira për misionin paqeruajtës të NATO-s në Kosovë.

“Një mision ushtarak që kontribuon aktivisht në stabilitetin e Kosovës”, tha Troccaz pas takimit me Barduanin në bazën e KFOR-it në Prishtinë.