“Familja e Haki Imerit ‘shpërthen’ ndaj Lumir Abdixhikut: Që nga ‘bekimi’ i Edi Ramës, gjithçka u bë e qartë”

Familja e veprimtarit Haki Imeri ka reaguar me një deklaratë të ashpër ndaj kryetarit të LDK-së, Lumir Abdixhiku, duke e akuzuar atë për humbjen e besimit të elektoratit dhe për mosmbajtjen e premtimit për dorëheqje pas humbjes zgjedhore.

Sipas deklaratës, LDK-ja pretendohet se është “e kapur” nga një rreth i ngushtë njerëzish pa vlera rugoviane dhe pa moral politik.

Ata kërkojnë largimin e Abdixhikut, duke paralajmëruar se kushdo që nuk reagon do të mbajë përgjegjësi për, siç thuhet, shkatërrimin e partisë.

Shkrimi i plotë:

-Ai humbi.

-Premtoi dorëheqje.

-Nuk dha dorëheqje.

-Sot flet për “reforma”.

-Cilat reforma , mashtrues i paskrupullte?

-Çfarë ke për t’i thënë votuesit të LDK-së?

-LDK sot nuk drejtohet nga një kryetar, por është e kapur.

-E kapur nga një grup i ngushtë njerëzish te Isa Mustafes dhe Hashim Thaçit..

-Njerëz pa frymë rugoviane.

-Pa moral politik.

-Që nga dita kur platforma u ndërrua me “Rrugën e Re”, dhe kur erdhi bekimi i Edi Ramës, u pa qartë:

këtu ka dorë djalli.

-Te gjithe ata qe thirren ne filozofine rugovjane dhe nuk kerkojne largimin e tij, do te jene bashkefajtor ne shkaterrimin e LDK-se.

-Dhe historia do ta mbajë mend këtë.