Faton Peci: Mitrovica drejt rendit, pastërtisë dhe funksionalitetit të plotë

Kryetari i Mitrovicës, Faton Peci, ka bërë të ditur se komuna po vazhdon angazhimin për rend, rregull dhe ligj edhe gjatë vikendit, përmes bashkëpunimit të drejtorive komunale, raporton GazetaBlic.

Sipas tij, janë realizuar disa intervenime, përfshirë largimin e deponive ilegale, rregullimin e shitjes në hapësira të dedikuara, pastrimin e lumit Trepça, parandalimin e rrëshqitjeve të dheut dhe rrënimin e objekteve nga hapësirat publike, me synimin që Mitrovica të jetë qytet funksional, i pastër dhe i sigurt.