‘Ylli’ i Bayer Leverkusen-it, Florian Wirtz, është gjithnjë e më pranë kalimit te Bayerni. Sipas asaj që raporton ‘Sport Bild’, mesfushori 21-vjeçar i ka komunikuar trajnerit Xabi Alonso dëshirën e tij: nuk do as Real Madrid-in, as Manchester City-n – synimi i vetëm është Bayerni.
Familja e Wirtz, veçanërisht babai i tij. Hans, që është edhe menaxheri personal, ka raporte shumë të afërta me legjendën bavareze Uli Hoeneß, dhe kontaktet me klubin nga Mynihu kanë qenë të shpeshta muajt e fundit.
Mediet gjermane raportojnë se është arritur një marrëveshje e përgjithshme, megjithatë data e transferimit ende nuk është vendosur. Kujtojmë se Wirtz ka kontratë me Leverkusen-in deri në vitin 2027.
Në prill, CEO i Leverkusenit, Fernando Carro, përmendi një klauzolë largimi prej të paktën 150 milionë euro, por më vonë e zbuti këtë deklaratë. Gjithsesi, negociatat zyrtare për transferimin e Wirtz pritet të nisin së shpejti, me Bayernin që e ka vendosur si objektivin kryesor për merkaton e ardhshme.
Ky zhvillim është i rëndësishëm edhe për të ardhmen e trajnerit Xabi Alonso. Ai shihet si një kandidat potencial për të pasuar Carlo Ancelottin te Real Madridi, dhe kishte zëra se mund të merrte edhe Wirtz-in në “Santiago Bernabéu”. Por me zgjedhjen e mesfushorit për të qëndruar në Gjermani, kjo pistë duket se ka marrë fund.s.n.
Të tjera
FSK nderon viktimat e 11 shtatorit, ul flamujt në gjysmështizë në të gjitha kazermat
Rama njofton zgjedhje të parakohshme për Bashkinë Tiranë
Osmani nënkupton përfshirjen e gazetarëve në plane kundër shtetit