Deputetja e Guxo dhe ish-ministrja e Jashtme, Donika Gërvalla, ka komentuar zhvillimet politike në Kuvendin e Kosovës, pas seancës ku deputetët e rinj bënë betimin, duke e cilësuar këtë si kapërcim të një bllokade nga opozita.
“Shteti nuk është i shantazhueshëm. Sot e tejkaluam bllokadën e parë të opozitës dhe bëmë betimin si deputetë”, ka deklaruar Gërvalla.
Ajo shtoi se sfidat përpara nuk janë të lehta, por se përpjekjet për ndërtimin e institucioneve do të vazhdojnë me përkushtim.
“Vazhdojmë të hënën betejën parimore dhe aspak të lehtë për konsolidimin e institucioneve të Republikës së Kosovës, të dala nga zgjedhjet e 9 shkurtit,” u shpreh deputetja.
Seanca e së premtes shënoi një hap përpara në konstituimin e legjislaturës së re, megjithatë përzgjedhja e kryetarit të Kuvendit mbetet ende pezull, pas dështimeve të deritashme për të siguruar shumicën e nevojshme
Të tjera
Dhuratat që s’duhet t’ia bëni partnerit për Shën Valentin
Punime në rrjet, KEDS tregon ku do të ketë ndërprerje të rrymës të shtunën
Llojet më të shpeshta të alergjive