Zëvendëskryeministrja dhe ministrja në detyrë e Punëve të Jashtme dhe Diasporës, Donika Gërvalla, ka udhëtuar për në Romë për të marrë pjesë në Konferencën e parë Ndërkombëtare të Italofonisë, e cila zhvillohet më 17 dhe 18 nëntor 2025.
Sipas MPJD-së, konferenca organizohet nga Ministria e Punëve të Jashtme e Italisë në bashkëpunim me Shoqatën “Dante Alighieri” dhe ka për qëllim promovimin e gjuhës italiane si mjet bashkëpunimi kulturor ndërkombëtar.
Në fokus të këtij evenimenti janë temat e identitetit të përbashkët, dialogut ndërkulturor, paqes, zhvillimit ekonomik dhe diplomacisë kulturore.
“Italofonia do të prezantohet si platformë për zhvillim dhe rritje ekonomike, duke forcuar marrëdhëniet mes shoqërive civile, institucioneve dhe bashkësive që flasin gjuhën italiane anembanë botës”, thuhet në njoftim.
Të tjera
Ushtria Serbe frikësohej nga UÇK-ja
Formimi i komisioneve parlamentare është urgjencë për Kosovën
Clark kishte kërkuar forca jo-franceze në veri të Kosovës “që shqiptarët të mund të jetonin atje”