Gjashtë persona kalojnë ilegalisht kufirin, arrestohen nga policia

Një operacion i Policisë së Kosovës ka rezultuar me shoqërimin e gjashtë personave në stacion policor, pasi ata dyshohet se kishin kaluar kufirin ilegalisht me automjet në rajonin e Leposaviqit.

Sipas Policisë, gjatë kontrollit të automjeteve janë gjetur mallra të ndryshme, për të cilat ekziston dyshimi se janë kontrabanduar nga jashtë territorit të vendit. Të dyshuarit janë ndaluar për procedura të mëtejshme.

Me vendim të prokurorit, ata janë liruar në procedurë të rregullt, ndërsa mallrat e sekuestruara iu janë dorëzuar Doganës së Kosovës për trajtim sipas procedurave ligjore.