Roze

Gjesti rikthehet në shtëpinë e Big Brother VIP Albania 4 pas incidentit me Jozin – përqafohet me finalistët

Posted on by botaelajmeve

Pas një incidenti të rëndë gjatë spektaklit “Prime”, Gjesti është rikthyer në shtëpinë më të famshme në Shqipëri, i gatshëm për të vazhduar rrugëtimin drejt finales së madhe të “Big Brother VIP Albania”.

Pas përplasjes fizike që ndodhi në transmetim direkt me ish-banorin Jozi – i cili e goditi me shuplakë menjëherë pas eliminimit – Gjesti u detyrua të largohej për trajtim mjekësor. Fatmirësisht, gjendja e tij shëndetësore u stabilizua dhe, pas kujdesit të nevojshëm, ai është rikthyer sërish në shtëpi.

Momenti i rikthimit të tij u shoqërua me emocione të forta dhe përqafime të ngrohta. Gjesti u mirëprit nga tre finalistët e tjerë: Egla, Rozana dhe Laerti, duke dhënë sinjale të qarta se është i gatshëm të përmbyllë me dinjitet këtë rrugëtim që e ka bërë një ndër figurat më të komentuara të këtij edicioni.

“Jam këtu me plot vullnet dhe energji për finalen. Kjo përvojë më ka forcuar edhe më shumë”, u shpreh ai në momentin e parë të hyrjes.

Finalja e madhe e “BBVA” do të mbahet më 19 prill, ku publiku do të vendosë se kush do të jetë fituesi i këtij edicioni – një mbrëmje që pritet të sjellë emocione të mëdha dhe momente të paharrueshme. /Telegrafi/