Grabitje me armë zjarri ndaj furgonit me para në Breg të Diellit

Një grabitje e armatosur ka ndodhur në lagjen Bregu i Diellit në Prishtinë, ndaj një furgoni që transportonte para.

“Sot rreth orës 14:00, kemi pranuar informatën për të shtëna me armë në lagjen Bregu i Diellit në Prishtinë. Bazuar në të dhënat e deritanishme, rasti dyshohet se ka ndodhur gjatë një grabitjeje të armatosur ndaj pjesëtarëve që po siguronin një furgon që transportonte para”, konfirmon për RTKlive zëdhënësi i Policisë për rajonin e Prishtinës, Enis Pllana.

Pllana ka konfirmuar se nuk ka të lënduar, ndërkohë që hetuesit policorë në koordinim me Prokurorinë janë duke ndërmarrë të gjitha masat e nevojshme për identifikimin dhe arrestimin e të dyshuarve si dhe për zbardhjen e plotë të rrethanave të rastit.