Hamza: Vendim i vonuar për heqjen e masave, Evropa e ka parë Serbinë si problem

Kryetari i PDK-së, Bedri Hamza ka deklaruar se heqja e masave nga Bashkimi Evropian ndaj Kosovës është një vendim i vonuar, megjithatë i mirëpritur.

Sipas Hamzës, këto masa u vendosën si pasojë e tensioneve dhe moskoordinimit politik të Qeverisë me aleatët, por që, siç tha ai, as progresi nuk mund të arrihet përmes ndëshkimit, por përmes partneritetit dhe bashkëpunimit.

“Kosova është pjesë e forcimit të stabilitetit dhe sigurisë në rajonin tonë. Për rrjedhojë, këto masa ndëshkuese kanë prekur padrejtësisht qytetarët, ekonominë dhe perspektivën tonë evropiane. Qytetarët tanë nuk do të duhej të ndëshkoheshin për shkak të papërgjegjësisë së Qeverisë”, ka shkruar ai.