Hapet konkursi për anesteziologë të rinj në QKUK

Është hapur konkursi për anesteziologë të rinj në institucionet publike shëndetësore, përcjell KosovaPost.

Kështu ka bërë të ditur ministri i Shëndetësisë, Arben Vitia, i cili tha se 25 anesteziologë do kenë mundësi të punësohen së shpejti.

“Sot është hapur konkursi për pranimin e 25 anesteziologëve të rinj në institucionet publike shëndetësore. Angazhimi i tyre do të bëhet në sektorët ku ka më së shumti nevojë, me qëllim lehtësimin e ngarkesës së stafit dhe uljen e listave të pritjes për pacientët. Mirëpresim angazhimin dhe kontributin e tyre në forcimin e institucioneve publike shëndetësore”, ka shkruar Vitia.