Kryetari i AAK-së, Ramush Haradinaj, ka uruar të gjithë besimtarët myslimanë me rastin e festës së Kurban Bajramit, përcjell KosovaPost.
Në mesazhin e tij, Haradinaj thekson rëndësinë e solidaritetit dhe harmonisë ndërmjet shqiptarëve, duke rikujtuar se këto vlera kanë qenë gjithmonë pjesë e traditës së përbashkët.
“Te shqiptarët gjithmonë ka mbizotëruar ndjenja e solidaritetit dhe harmonisë me njëri-tjetrin, dhe gjithmonë i kemi festuar bashkë festat fetare”, ka shkruar Haradinaj në llogarinë e tij në Facebook.
Ai ka përcjellë urimet më të përzemërta për Bashkësinë Islame të Kosovës, myftiun Naim Tërnava, si dhe për të gjithë shqiptarët myslimanë kudo që jetojnë.
“Uroj që gëzimi dhe begatia të mbizotërojnë në familjen e gjithsecilit”, përfundon Haradinaj.
The post Haradinaj uron besimtarët për Kurban Bajramin: Gëzim dhe begati në çdo familje appeared first on Kosovapost.net.
Të tjera
Deputeti gjerman kërkon që Kosova të bëhet pjesë e NATO-s dhe BE-së sa më shpejt
Mbahet shqyrtimi fillestar ndaj nënkryetarit të Listës Serbe, Slavko Simiq
Bulliqi thotë se Podujeva do të bëhet me park bujqësor