Një gjeneral turk u emërua në një pozicion të nivelit të drejtorit në Shtabin Ushtarak Ndërkombëtar të NATO-s në Bruksel, ka njoftuar Ministria e Mbrojtjes Kombëtare e vendit.
“Një gjeneral turk është emëruar në zyrën e Sigurisë së NATO-s. Për herë të parë në historinë e NATO-s, vendi ynë do të përfaqësohet në nivel drejtori në Shtabin Ushtarak Ndërkombëtar të NATO-s në Bruksel”, tha zëdhënësi i ministrisë Zeki Akturk në konferencën javore për shtyp të Forcave të Armatosura Turke.
Akturk tha se emërimi pasqyron rolin aktiv të Turqisë në NATO dhe kontributin e saj “të fortë dhe të besueshëm” në përpjekjet për paqen dhe sigurinë e Aleancës, shkruan AA.
“Për sigurinë e NATO-s dhe rajonit Euro-Atlantik, vendi ynë – ashtu si në të kaluarën – vazhdon të japë kontribute të rëndësishme dhe vendimtare sot dhe do ta bëjë këtë në të ardhmen.”
Bëhet e ditur se ai theksoi se Turqia do të kryejë detyrat e reja komanduese në përputhje të plotë me rezolutat e NATO-s dhe OKB-së, duke vepruar me neutralitet dhe transparencë në përputhje me detyrimet ndërkombëtare.
Ndryshe, Akturk njoftoi gjithashtu se pas komandës së Turqisë të Forcave të NATO-s në Kosovë nga tetori 2023 deri në 2024, vendi do të rifillojë rolin edhe për një vit tjetër duke filluar nga tetori 2025.
Të tjera
Pesë arsye pse duhet të bëni masazh
Pse rrudhen gishtërinjtë tuaj pasi të qëndroni nën ujë për një kohë
Pse burrat tradhtojnë edhe nëse kanë martesë të lumtur?