I dëshpëruar nga rezultati, Xhemajl Hasani jep dorëheqje nga Nisma

Xhemajl Hasani, kryetar i degës së Nismës Socialdemokrate në Podujevë, ka njoftuar dorëheqjen e tij nga të gjitha pozitat dhe funksionet brenda partisë.

Në një postim në Facebook,  Hasani shprehet se arsyeja kryesore e dorëheqjes është rezultati zgjedhor, i cili sipas tij nuk ka arritur pritshmëritë personale dhe ato të partisë.

Siç thotë ai, puna dhe përkushtimi i tij nuk është vlerësuar në masën e duhur nga votuesit.

Postimi i plotë:

Në këtë mënyrë dua të hap rrugë për përforcimin dhe rigjallërimin e strukturave të Nismës, duke liruar pozitën e kryetarit të degës.

Faleminderit të gjitha strukturave të Nismës Socialdemokrate për bashkëpunimin dhe përkrahjen gjatë këtij rrugëtimi.

Një falënderim i veçantë shkon edhe për kryetarin e Nismës, z. Fatmir Limaj, për mbështetjen dhe udhëheqjen e tij.

Ju uroj suksese të mëtejshme Nismës dhe të gjithë kolegëve në përpjekjet për të kontribuar në zhvillimin e vendit tonë.

Me respekt,

Xhemajl Hasani