I ndjej lëvizjet e tij në zemrën time

Lionel Messi ka folur në një intervistë me Fabrizio Romanon, ku ndër të tjerash ka përmendur edhe partnershipin e tij me Luis Suarezin.

Messi e Suarezi e kanë ndarë fushën e lojës si bashkëlojtarë te Barcelona për gjashtë sezone, teksa tash janë bashkëlojtarë edhe tek Inter Miami në SHBA.

Gjatë intervistës, gazetari i njohur, Fabrizio Romano i tregon atij një video të një asistimi në drejtim të Suarezit, dhe Messi thotë se tashmë i ndjen lëvizjet e uruguajanit në zemrën e tij.

“E vërteta është se e shoh Luisin duke vrapuar. Dhe më pastaj është që je në dijeni, pasi kemi luajtur disa vite bashkë, duke ditur lëvizjet e njëri-tjetrit. Për disa vite, duke luajtur në shumë ndeshje së bashku, dhe tashmë unë i njoh lëvizjet e tij nga zemra ime”, ka thënë Messi, në videon e publikuar nga “433” në rrjetin social “Instagram”.