Irani go*det Emiratet, MPJ e Shqipërisë apel shtetasve: Shmangni lëvizjet

Ministria për Europën dhe Punët e Jashtme e Shqipërisë thotë se po ndjek me vëmendje të shtuar zhvillimet e fundit në Lindjen e Mesme dhe që prej mëngjesit të sotëm është në kontakt të vazhdueshëm me autoritetet e vendeve të rajonit përmes përfaqësive diplomatike shqiptare.

Kështu deklaron në një njoftim të fundit MEPJ, pas goditjeve nga Irani të disa vendeve arabe, teksa u ka bërë thirrje të gjithë shtetasve shqiptarë që ndodhen në Emiratet e Bashkuara Arabe të tregojnë kujdes maksimal, të shmangin lëvizjet e panevojshme dhe të zbatojnë me përpikëri udhëzimet e sigurisë të dhëna nga autoritetet lokale.

Sipas njoftimit zyrtar, hapësira ajrore e Emirateve të Bashkuara Arabe, ashtu si edhe ajo e vendeve të tjera të Gjirit, është mbyllur përkohësisht në kuadër të masave për interceptimin e sulmeve.

Ndërkohë, Ambasada e Republikës së Shqipërisë në Abu Dhabi mbetet në dispozicion të qytetarëve shqiptarë rezidentë në Emiratet e Bashkuara Arabe për çdo informacion, nevojë apo emergjencë, përmes numrit të kontaktit: +971 50 980 7881.

POSTIMI I PLOTË

NJOFTIM PËR MEDIAT

Ministria për Europën dhe Punët e Jashtme, vijon të ndjekë me vëmendje situatën në Lindjen e Mesme dhe prej mëngjesit të sotëm është në kontakt me autoritetet e vendeve të rajonit përmes përfaqësive diplomatike shqiptare.

MEPJ iu kërkon të gjithë shtetasve shqiptarë në Emiratet e Bashkuara Arabe të jenë të kujdesshëm duke shmangur daljet e panevojshme dhe duke ndjekur udhëzimet e sigurisë nga autoritetet lokale.

Hapësira ajrore e Emirateve të Bashkuara Arabe, ashtu si ajo e të gjitha vendeve të Gjirit, është e mbyllur përkohësisht si pjesë e masave për interceptimin e sulmeve.

Ambasada e Republikës së Shqipërisë në Abu Dhabi është në dispozicion të qytetarëve shqiptarë rezidentë në Emiratet e Bashkuara Arabe për çdo informacion, nevojë apo emergjencë, përmes kontaktit të emergjencës +971 50 980 7881./rtsh