Arbnor Spahiu, ish-pjesëtar i Njësisë Speciale Operative të Policisë së Kosovës, i cili u ndalua të dielën nga autoritetet serbe në pikën kufitare në Horgosh, është duke u marr në pyetje nga Prokuroria serbe në Suboticë.
Lajmin për Telegrafin e ka konfirmuar avokati, Arianit Koci duke treguar po ashtu se dje ka qenë në Serbi.
Sipas tij, ligjërisht, prokurori e ka mundësinë që pas marrjes në pyetje ta lirojë pa asnjë masë.
“Dhe kjo është zgjidhja e vetme që do të ishte në përputhje me drejtësinë. Por duke i ditur qëndrimet e vazhdueshme të Serbisë ndaj Kosovës – përfshirë frikësimet sistematike ndaj policëve, aktivistëve dhe disa qytetarëve tanë – ekziston rreziku që të kërkohet paraburgimi. Kjo nuk do të ishte drejtësi – por përndjekje politike”, ka thënë avokati.
Tutje ai tha se është i bindur se kjo çështje do të përfundojë në favor të Arbnorit.
“Sepse drejtësia – kur nuk përdoret si armë politike – e njeh të vërtetën”, tha ndër të tjera Koci.
Ndryshe, Arbnor Spahiu, ish-pjesëtar i Njësisë Speciale Operative të Policisë së Kosovës, është ndaluar më 7 qershor në pikën kufitare Horgosh nga autoritetet serbe. Pas ndalimit në Horgosh ai është dërguar në qendrën e ndalimit në Kanjizë.
Të tjera
Nominimi në bazë të shortit i Nenad Rashiqit është i ligjshëm, Lista serbe nuk ka veto bllokuese në konstituimin e Kuvendit
Sorensen flet për vizitën në Beograd, thekson rëndësinë e normalizimit të raporteve Kosovë – Serbi
Bllokohen autostradat në Tel Aviv – po rritet zemërimi i izraelitëve kundër Netanyahut