Kandidati për kryetar të Prishtinës, Hajrulla Çeku, ka prezantuar dy prej zotimeve më të rëndësishme të programit të tij: Kartela e Lagjes dhe Ndërmarrja e Lagjes, mekanizma që e bëjnë qytetarin pjesë të drejtpërdrejtë të identifikimit, planifikimit dhe zgjidhjes së problemeve të lagjës ku jeton.
Kartela e Lagjes do të jetë një dokument i përbashkët i banorëve, ku regjistrohen të gjitha nevojat përmes 20 indikatorëve të shërbimeve bazike, nga ndriçimi publik e ujësjellësi, deri te gjelbërimi, parkingjet dhe siguria.
Ndërmarrja e Lagjes do të shërbejë si pika e parë ku qytetarët mund të bëjnë aplikime, ankesa si dhe kërkesat e tyre për lagjen.
E njëjta qasje do të zbatohet edhe për fshatrat, duke e bërë shërbimin komunal më të afërt, më të shpejtë dhe më efikas.
“Kartela është zëri i qytetarit, Ndërmarrja është dora që i zgjidh problemet. Ky është partneriteti i ri që do ta kthejë lagjen në qendër të qeverisjes komunale,” tha Çeku.
Sipas tij, vetëm kështu Prishtina bëhet një qytet që funksionon, aty ku banori jo vetëm jeton, por edhe vendos për lagjen e vet.
Të tjera
Synoj edhe një mandat si presidente
Berisha uron Kurtin për fitore, thotë se zgjedhjet në Kosovë shembull i demokracisë dhe frymëzim për Shqipërinë
Kek i shijshëm me mollë, një recetë e shpejtë