Policia thotë se gjatë kontrollit në shtëpinë e tij janë gjetur dhe konfiskuar dy pistoleta
Policia e Kosovës ka njoftuar për arrestimin e Korab Bajgorës, i cili dyshohet se ka kërcënuar dhe ofenduar liderin e Aleancës për Ardhmërinë e Kosovës, Ramush Haradinajn, si dhe familjen e tij.
Sipas raportit 24-orësh të policisë, i dyshuari është arrestuar dhe me vendim të prokurorit është dërguar në mbajtje për 48 orë.
Policia bëri të ditur se gjatë kontrollit në shtëpinë e tij janë gjetur dhe konfiskuar edhe dy armë zjarri.
“Sheshi Shkëlzen Haradinaj, Pejë 03.04.2026 – 18:00. Është arrestuar i dyshuari mashkull kosovar, për shkak se në rrjetin social ka postuar një video incizim duke ofenduar familjen Haradinaj. Gjatë kontrollit në shtëpinë e tij, janë gjetur dhe konfiskuar: dy armë zjarri – pistoleta, njëra me 4 copë fishekë. I dyshuari është intervistuar dhe me vendim të prokurorit i është caktuar masa e ndalimit për 48 orë”, thuhet në raportin e policisë.
Të tjera
Lëndohet një i mitur nga shpërthimi i dy bombolave të gazit në Skenderaj
Asllani dhe Vuskovic dy objektivat kryesorë të Barçës, por katalunasit s’duan të nguten
Soda e bukës zhduk aknet