Ushtarët italianë nga Komanda Rajonale Perëndimore e misionit KFOR, të udhëhequr nga NATO, në bashkëpunim të ngushtë me Aviacionin e Task Forcës së Ushtrisë Amerikane, zhvilluan një stërvitje trajnimi për evakuim mjekësor në Kampin Villaggio Italia, në Pejë.
Stërvitja, e mbështetur nga një helikopter UH-60 Black Haëk, simuloi evakuimin e viktimave në kushte reale.
Ushtarët trajnuan hipjen dhe zbarkimin e viktimave gjatë operacioneve me helikopter, me qëllim rritjen e gatishmërisë dhe bashkëpunimit ndërforcë.
KFOR-i thekson se aktivitete të tilla ndihmojnë në përgatitjen për emergjenca reale dhe forcojnë kohezionin ndërmjet njësive shumëkombëshe. Misioni mbetet i përkushtuar në zbatimin e mandatit të tij, bazuar në Rezolutën 1244 të Këshillit të Sigurimit të OKB-së, për të siguruar një mjedis të sigurt dhe liri lëvizjeje për të gjithë në Kosovë.
Të tjera
Çka mendon Gërvalla për Rexhep Selimin – mohon të ketë bashkëpunuar me Gjykatën Speciale
Protestojnë 6 redaktorë të RTK-së, Menaxhmenti: Nesër dalim me qëndrim
Rusia, Kina e Irani po përpiqen të destabilizojnë Ballkanin – Kosova nuk flirton me fuqi malinje