Kina përbën kërcënim të përditshëm spiunazhi për Mbretërinë e Bashkuar

Operatorët shtetërorë kinezë përbëjnë një kërcënim të përditshëm për sigurinë kombëtare të Mbretërisë së Bashkuar, tha kreu i MI5, Sir Ken McCallum.

Kur u pyet nëse Kina, si shtet, përbën kërcënim për sigurinë kombëtare të Mbretërisë së Bashkuar, Sir Ken tha se aktorët shtetërorë kinezë çdo ditë përbëjnë kërcënim për sigurinë kombëtare të Mbretërisë së Bashkuar, raporton BBCNews.

Sipas tij, kur bëhet fjalë për Kinën, Mbretëria e Bashkuar duhet të mbrohet me vendosmëri nga kërcënimet dhe njëkohësisht të shfrytëzojë mundësitë që i shërbejnë interesave tona kombëtare.