Komiteti Paralimpik i Kosovës (KPK) ka mbajtur Kuvendin e rregullt të Punës, me pjesëmarrjen e përfaqësuesve të federatave dhe asociacioneve anëtare, si dhe të organeve drejtuese.
Punimet e Kuvendit i hapi Presidentja e KPK-së, Njomza Emini, e cila falënderoi të gjithë anëtarët për angazhimin dhe kontributin e vazhdueshëm në zhvillimin e sportit paralimpik në Kosovë.
“Kontributi i secilit prej jush është i domosdoshëm në avancimin e parasportit dhe në arritjen e synimeve tona të përbashkëta për realizimin e ëndrrave të shumë parasportistëve. Gjithëpërfshirja është një synim i mishëruar në misionin tonë, andaj në këtë drejtim duhet të punojmë pa përjashtim”, theksoi Emini.
Në përputhje me procedurat statutare, Kuvendi vijoi me konstituimin e organeve të punës, për të
vazhduar më pas me shqyrtimin dhe miratimin e dokumenteve kyçe për vitin që lamë pas.
Gjatë punimeve, Kuvendi miratoi:
Procesverbalin e Kuvendit të Punës (23 korrik 2025)
Raportin Vjetor të Punës për vitin 2025
Raportin e Auditorit dhe Pasqyrat Financiare për vitin 2025
Raportin e Këshillit Mbikëqyrës të Komitetit Paralimpik të Kosovës
Po ashtu, Kuvendi miratoi:
Planin e Aktiviteteve për vitin 2026
Planin Financiar për vitin 2026
Punimet u përmbyllën me diskutime të ndryshme, ku u theksua rëndësia e bashkëpunimit ndërinstitucional dhe angazhimit të përbashkët për fuqizimin e parasportistëve dhe zhvillimin e mëtejmë të lëvizjes paralimpike në Kosovë.
Të tjera
Më tha që edhe Behgjet Pacolli ka qenë në dijeni për këtë rast
Si të lini përshtypje të mirë përmes telefonit, 4 këshilla
Haxhiu e thërret mbledhjen e Kryesisë së Kuvendit