Aktuale, Lajme

Komshiq pret Kurtin në Presidencë: Nuk do ta pyesim Dodikun, as këdo tjetër me kë të takohemi

Posted on by botaelajmeve
Anëtari i Presidencës së Bosnjë-Hercegovinës, Zheljko Komshiq, priti në kabinetin e tij kryeministrin e Republikës së Kosovës, Albin Kurti.

Kjo lëvizje sigurisht që do të kontribuojë në një lidhje më të mirë mes qytetarëve të Bosnjë-Hercegovinës dhe Kosovës, si dhe në rritjen e shkëmbimit të mallrave të ndërsjella, ka thënë ai.

Komshiq foli edhe për kërcënimet e Dodikut lidhur me vizitën dhe takimet e Kurtit në Bosnje dhe Hercegovinë, duke kujtuar se Republika Sërpska nuk është subjekt i së drejtës ndërkombëtare dhe se RS nuk është kompetent për lëshimin e vizave të hyrjes në BeH, si dhe se anëtarët e Presidencës së BeH sigurisht nuk do ta pyesin Dodikun apo dikë tjetër me kë do të takohen dhe çfarë do të diskutojnë.

“Ne i perceptojmë kritikat që vijnë nga vendet e rajonit si një tjetër dëshmi evidente e përpjekjeve për të mohuar sovranitetin e Bosnje-Hercegovinës dhe presion mbi organet dhe institucionet sovrane të Bosnjë-Hercegovinës në drejtimin e politikës së jashtme”, ka thënë ai.

Komshiq dhe Kurti njoftohet se kanë biseduar edhe për proceset e përgjithshme politike dhe sociale në rajon.

Vetë njoftimi për vizitën e Kurtit në Bosnje dhe Hercegovinë shkaktoi reagime të ashpra nga Milorad Dodik.

Ai ka thënë se gjërat në BeH do të komplikohen dukshëm nëse kryeministri i Kosovës, Albin Kurti, vjen në Sarajevë dhe ka përsëritur se faktori serb në BeH nuk e lejon dhe nuk do të lejojë njohjen e pavarësisë së Kosovës.

Pamjet mund t’i shihni këtu: