Konjufca i pranishëm në seancën ndaj ish-krerëve të UÇK-së

Kryediplomati i Kosovës Glauk Konjufca, sot do të jetë pjesë e seancë gjyqësore ku do jepen fjalët përfundimtare në rastin e ish-krerëve të UÇK-së.

Kështu ka njoftuar vetë ai në pritjen e Ambasadës së Kosovës në Holandë për nder të Pavarësisë, gjatë ditës së martë.

Pos tjerash, Konjufca deklaroi se askush nuk mund të shkelë mbi Ushtrinë Çlirimtare.

“Do të marr pjesë po ashtu edhe në procesin e padrejtë gjyqësor që po bëhet kundër drejtuesve të Ushtrisë Çlirimtare të Kosovës, për ta shprehur po ashtu edhe vullnetin tonë edhe qëndrimin tonë se askush nuk mund të shkelë mbi ushtrinë tonë të lavdishme çlirimtare dhe për t’i treguar gjithë botës së bashku se kjo është vlera më sublime që e ka krijuar shtetin tonë, Kosovën dhe që këtë vlerë e cila është në themel të shtetit tonë do ta mbrojë me çdo kusht dhe me çdo çmim”, deklaroi Konjufca.