Shefi për Politikë të Jashtme dhe Siguri i Bashkimit Evropian, Josep Borrell pak para përfundimit të mandatit të tij, ka bërë të ditur se do të vazhdoj përpjekjet për hapa konkret lidhur në procesin e dialogut mes Kosovës dhe Serbisë.
Borrell në një shkrim në EEAS, ka thënë se kryenegociatorët do të takohen javën e ardhshme në Bruksel.
Aktualisht, pozicionet e të dyja palëve mbeten larg njëra-tjetrës. Megjithatë, puna do të vazhdojë: Kryenegociatorët e të dyja palëve ranë dakord të vijnë në Bruksel javën e ardhshme për të punuar në hapa konkretë për të zhbllokuar zbatimin e Marrëveshjes”, tha Borrell.
Ai u shpreh se kanë bërë shumë gjatë viteve të fundit, por se procesi mund të përparojë vetëm aq shpejt sa janë të gatshme të ecin të dyja palët.
“Lehtësimi i BE-së nuk mund të arrijë më shumë normalizim se sa dëshirojnë Kosova dhe Serbia. Pas disa muajsh, njerëz të ndryshëm do të jenë përgjegjës për këtë dosje në Bruksel, por pritshmëritë e Bashkimit Evropian dhe të Shteteve Anëtare të saj nuk do të ndryshojnë. Angazhimet dhe detyrimet e Kosovës dhe Serbisë nuk do të zhduken”, theksoi Borrell.
Ai shtoi se në nevojitet guxim, vizion dhe vullnet politik dhe se BE-ja do të vazhdojë të ndihmojë në çdo hap gjatë rrugës.
Të tjera
Çka mendon Gërvalla për Rexhep Selimin – mohon të ketë bashkëpunuar me Gjykatën Speciale
Protestojnë 6 redaktorë të RTK-së, Menaxhmenti: Nesër dalim me qëndrim
Rusia, Kina e Irani po përpiqen të destabilizojnë Ballkanin – Kosova nuk flirton me fuqi malinje