Presidentja e Kosovës, Vjosa Osmani, është takuar në Tiranë gjatë samitit me përfaqësuesen e Lartë të Bashkimit Evropian për Politikë të Jashtme dhe Siguri, Kaja Kallas, përcjell KosovaPost.
Ajo e cilësoi Kallasin si mbështetëse të kahmotshme të një Evrope të sigurt dhe të bashkuar dhe njoftoi për vizitën e Kallasit në Kosovë gjatë javës së ardhshme.
“Duke qenë se gjatë vizitës së saj javën e ardhshme në Kosovë do të jem në një vizitë shtetërore të paracaktuar jashtë vendit, takimin e realizuam në Tiranë”, ka shkruar Osmani.
Ajo shtoi se Kosova është e gatshme për hapin e radhës në rrugën e saj drejt integrimit evropian dhe u bëri thirrje institucioneve të BE-së që t’i përgjigjen këtij momenti me guxim, qartësi dhe vendosmëri – sipas Osmanit, tipare që e karakterizojnë edhe vetë lidershipin e Kaja Kallas.
Të tjera
Shkelje e rëndë e rregullave të trafikut, ndëshkohen dy shoferë në Ferizaj
Pesë tregues që paralajmërojnë se po shembet pushteti i Vuçiqit
Klubet e MLS thyejnë rekordin e shpenzimeve për transferime në vitin 2025