Ish-deputeti Adem Salihaj ka mirëpritur zhvillimet e fundit nga Shtetet e Bashkuara të Amerikës, duke i cilësuar ato si lajme shumë të rëndësishme për të ardhmen e Kosovës.
Ai në postimin e tij në Facebook, vlerësoi se projektligji amerikan për Mbrojtjen, i cili parasheh mbështetje për pranimin e Kosovës në NATO, njohje të ndërsjellë dhe mosndryshim kufijsh, përbën garanci të forta për sovranitetin dhe tërësinë territoriale të vendit
Sipas Salihajt, këto masa jo vetëm forcojnë pozitën e Kosovës, por edhe sjellin stabilitet në rajon, duke i dërguar Serbisë një mesazh të qartë për t’i ndalur ambiciet e saj.
Postimi i plotë
Shumë lajme të mira për Kosovën nga SHBA, që na mbushim besim për të ardhmen. Projektligji i SHBA për Mbrojtje, që parasheh pranimin e Kosovës në NATO, njohjen e ndërsjellë dhe mosndryshimin e kufinjve, të gjitha këto janë garanci të forta për ruajtjen e tërësisë territoriale dhe sovranitetit të Kosovës. Të tri këto aspekte të këtij projektligji, jo vetëm që i ndihmojnë shumë Kosovës, por krijojnë stabilitet në rajon, sepse ia bëjnë me dije Serbisë që të ndal ambicuet e saj të sëmura për ndryshim kufinjësh apo pushtime të reja. SHBA gjithmonë ka qenë mbrojtësja dhe përkrahësja e Kosovës dhe kombit shqiptar në tërësi. Balancimi dhe koordinimi i interesave tona me SHBA-të duhet të jetë detyrë e jona e përhershme. Jemi shumë me fat që kemi në krahun tonë një aleat kaqë të fuqishëm.
Pëlqejeni këtë:
Pëlqejeni Po ngarkohet…
Të tjera
Mënyrat më të lehta për shërimin e shenjave dhe të nxirat e lëkurës
Përse iu duhen grave artet marciale?
Si ta largoni ngjyrën e verdhë nga thonjtë?