Kombëtarja e Kosovës ka shënuar ngritje tepër të madhe në renditjen e FIFA-s pas ndeshjeve të shtatorit në Kualifikueset për Kampionatin Botëror të vitit të ardhshëm, shkruan Gazeta Metro.
Kosova u mposht 4-0 në Zvicër me një performancë tejet të dobët, mirëpo arriti ta shlyejë atë turp me njërën prej fitoreve më të mëdha në historinë e saj.
Në stadiumin ‘Fadil Vokrri’ në Prishtinë, kombëtarja kosovare arriti ta gjunjëzojë Suedinë e yjeve të Premier League me rezultat 2-0. Rexhbeçaj dhe Muriqi ishin më meritorët për fitoren e madhe.
Kjo ka mjaftuar që FIFA ta vlerësojë jashtëzakonisht shumë performancën e Kosovës, duke e ngritur për katër vende në ranglistë. Tani, Kosova ndodhet në vendin e 91-të, pozita më e lartë ndonjëherë prej se është pranuar në FIFA dhe UEFA.
Të tjera
FFK-ja deklarohet pas shortit të Botërorit
Studentë të 14 njësive akademike të UP-së përfitojnë mbështetje financiare
U nis në ShBA pasi kreu misionin në Kosovë, por ushtares amerikane i vidhet velloja në aeroport