Komisioni Qendror i Zgjedhjeve (KQZ) ka mbajtur sot mbledhjen e 36-të të këtij viti, të kryesuar nga Kreshnik Radoniqi, në të cilën është miratuar plani i aktiviteteve dhe afatet për organizimin e Zgjedhjeve Lokale, që do të mbahen më 12 tetor 2025.
Kjo është mbledhja e parë pas vendimit për caktimin e datës së zgjedhjeve për kryetarë të komunave dhe për kuvende komunale.
KQZ ka miratuar gjithashtu formulën për formimin e 38 Komisioneve Komunale të Zgjedhjeve (KKZ), përmes së cilës do të emërohen mbi 220 përfaqësues të subjekteve politike në nivel komunal.
Bazuar në Ligjin Nr. 08/L-288 për Zgjedhjet e Përgjithshme, KKZ-të do të kenë rol kyç në administrimin e procesit zgjedhor në komunat përkatëse, duke vepruar nën mbikëqyrjen ekskluzive të KQZ-së për të garantuar ligjshmërinë, legjitimitetin dhe efikasitetin e zgjedhjeve.
Të tjera
IPK-ja arrestoi 41 zyrtarë policorë sivjet, pranoi mbi dy mijë ankesa
Maqedonia e Veriut prezanton pullën postare për 100-vjetorin e lindjes së Alija Izetbegoviqit
KFOR-i zhvillon stërvitje me helikopterin Black Hawk në Kampin Bondsteel