Kurti bën homazhe për nder të Fatos Nanos në Tiranë

Mes shumë personalitetesh nga mbarë kombi shqiptar edhe kryeministri i Kosovës në detyrë, Albin Kurti, sot në Tiranë, bëri homazhe pranë arkivolit të ish-kryeministrit të Shqipërisë, Fatos Nano.

Në Pallatin e Kongreseve, ai ishte i shoqëruar edhe nga nënkryetarja e Kuvendit të Kosovës, Albulena Haxhiu. Pas ngushëllimeve të shprehura për familjarët e Nanos, ai u shkrua edhe në librin e zisë.

Nano, i cili u nda nga jeta dy ditë më parë në moshën 73-vjeçare, konsiderohet si lideri historik i Partisë Socialiste të Shqipërisë dhe një nga reformatorët e parë të vendit.