Në ditën e shënimit të 18-vjetorit të Pavarësisë së Kosovës, kryeministri i Kosovës, Albin Kurti, mirëpriti presidentin e Shqipërisë, Bajram Begaj, në një takim që theksoi lidhjet e ngushta dhe bashkëpunimin midis dy vendeve.
Gjatë takimit, presidenti Begaj shprehu urimet e tij më të përzemërta për popullin dhe shtetin e Kosovës për 18-vjetorin e shpalljes së Pavarësisë, ndërkaq kryeministrit Kurti i uroi për mandatin e tij të ri dhe i dëshiroi suksese në përmbushjen e aspiratave të popullit të Kosovës për mirëqenie e begati, si dhe të objektivave të qeverisë.
Bashkë biseduan për marrëdhëniet dypalëshe, zhvillimet në vend dhe në rajon, si dhe për rezultatet e marrëveshjeve të deritashme ndërqeveritare, teksa ritheksuan vullnetin e dyanshëm për të zgjeruar edhe më shumë sektorët e bashkëpunimit dhe për të thelluar më tej raportin ndërshtetëror.
Kryeministri falënderoi Presidentin Begaj për urimet, për vizitën në Kosovë dhe për takimin në Kryeministri, duke u bërë kështu presidenti i parë që e mirëpret në zyrën e tij në këtë mandat të ri.
Të tjera
Dedaj: Sa më shumë po i mbarojnë ditët në zyren e Presidencës, Vjosa po na paraqitet se ‘çlirimtare’
“Së shpejti ardhsh në mesin tonë”- Syla telefonatë me Thaçin në ‘Ditën e Pavarësisë’ nën masa strikte!
Shtatë përfitime nëse konsumoni mish pule