Kurti prezanton 5 vendimet e para që do t’i marrë si kryeministër në mandatin e ardhshëm

Lëvizja Vetëvendosje sot ka mbajtur tubim në Prishtinë ku ka prezantuar zotimet e qeverisjes së ardhshme.

Kandidati për kryeministër, Albin Kurti ka prezantuar 5 vendimet e para që do t’i marrë si kryeministër në mandatin e ardhshëm:

Miratimi i buxhetit rekord prej 4 miliardë eurosh për vitin 2026;

Procedimi i ligjit të ri për çmime tavan, me qëllim frenimin e abuzimit të tregtarëve me rritjen e çmimeve;

Procedimi i ndryshimit dhe plotësimit të ligjit që heq kufizimin e punësimit për veteranët e Ushtrisë Çlirimtare të Kosovës që përfitojnë beneficione;

Miratimi i vendimit për pagesën e pagës së 13-të për të gjithë shërbyesit publikë, që në fillim të vitit;
Miratimi i Pakos për Përballje me Inflacionin 2.0, në vlerë prej 200 milionë eurosh, e cila përmban:

a. Mbështetje të njëhershme për pensionistët, fëmijët që marrin shtesa, studentët dhe punëtorët e sektorit privat;

b. Rikthimin e Skemës për Subvencionimin e Kursimit të Energjisë Elektrike, nga e cila pritet të përfitojnë mbi 200 mijë familje përmes subvencionimit të faturave të energjisë elektrike.