Kurti prezanton vizionin për Obiliqin: Shëndet, infrastrukturë dhe sport

Kryeministri Albin Kurti ka prezantuar projektet që synon t’i realizojë për Obiliqin gjatë mandatit të ardhshëm. Ai premton ndërtimin e një Qendra Kryesore të Mjekësisë Familjare (QKMF) të re, për shërbime shëndetësore më cilësore dhe të qasshme për qytetarët.

Ndër prioritetet e tjera janë vendosja e filtrave modernë në termocentralet lokale për përmirësimin e cilësisë së ajrit, përmirësimi i infrastrukturës rrugore, duke përfshirë rrugën e Qyqavicës për zhvillim turistik, dhe ndërtimi i një stadiumi modern për zhvillimin e sportit.

Kurti gjithashtu përmend si synime ngrohjen qendrore, ujë të pijshëm, transport publik, banim të përballueshëm, çerdhe të reja dhe mbështetje për bujqit, duke e përshkruar këtë si vizion për siguri dhe begati në Obiliq.