Kurti thotë se Glauk Konjufcën janë marrë vesh ta bëjnë ministër në Kurti 3

Kryeministri në detyrë, Albin Kurti, tha se opozita nuk i beson që “i ka 61 vota për formimin e qeverisë”, prandaj i kërkon opozitës ta testojnë.

“Ata nuk besojnë që i kam 61 vota, unë ju them testomni, e kanë në dorë të më testojnë….Nëse unë dështoj, kjo do të ishte fitorja për ta”, tha Kurti në RTK, transmeton Express.

Sipas tij, në rast se bëhet Qeveria Kurti 3, Glauk Konjufca do të bëhet ministër.

“Glauk Konjufca jemi marrë vesh në Lëvizjen Vetëvendosje që do të bëhet anëtar të Qeverisë, në Qeverinë Kurti 3. Glauku po vjen në Ekzekutiv, Albulena po kthehet në Legjislativ”, tha Kurti.

Do jetë njëri nga ministrat? E pyeti gazetari.

“Po”, iu përgjigj Kurti duke mos zbuluar planin se cilën ministri do ia lënë në udhëheqje Konjufcës, në rast se bëhet Qeveria Kurti 3.