Ky është një nderim për Republikën, për Kosovën që beson

Presidentja e Kosovës Vjosa Osmani, ka reaguar pas pranimit të “Çmimit të Evropës”, nga Fondacioni Pan-Evropian “Coudenhove-Kalergi”, përcjell KosovaPost.

Ceremonia e veçantë u organizua sot nga PanEuropa.

Osmani tha se dy dekada më parë, i njëjti çmim iu nda Presidentit historik të Kosovës, Dr. Ibrahim Rugova.

“Ky është një nderim për Repubikën e Kosovës dhe një dëshmi se rruga jonë evropiane, e ndërtuar mbi vizionin e Presidentit Rugova për paqe, demokraci dhe partneritet transatlantik, vazhdon me vendosmëri”, tha ajo.

“Për Kosovën që beson, që qëndron dhe që ecën përpara!”, theksoi e para e shtetit të Kosovës.

Postimi i plotë:

Sot, në zemër të Evropës, në Vjenë, pranova me respekt Çmimin e Evropës nga Fondacioni Pan-Evropian “Coudenhove-Kalergi”, në një ceremoni të veçantë organizuar nga PanEuropa.

Dy dekada më parë, i njëjti çmim iu nda Presidentit historik të Kosovës, Dr. Ibrahim Rugova. Ky është një nderim për Repubikën e Kosovës dhe një dëshmi se rruga jonë evropiane, e ndërtuar mbi vizionin e Presidentit Rugova për paqe, demokraci dhe partneritet transatlantik, vazhdon me vendosmëri.

Për Kosovën që beson, që qëndron dhe që ecën përpara!