Lëvizja Vetëvendosje e nominon Albin Kurtin për kryeministër në zgjedhjet e 28 dhjetorit

Levizja Vetëvendosje e ka nominuar Albin Kurtin si kandidat për kryeministër për zgjedhjet e parakohshme parlamentare. Glauk Konjufca theksoi se po e nominojnë më të votuarin nga populli ynë në historinë e demokracisë sonë parlamentare.

Nënkryetari i kësaj partie, Glauk Konjufca, ka thënë se e nominon Kurtin duke e vlerësuar si liderin demokratik të vendit.

“Unë do ta nominoj më të votuarin nga populli ynë në historinë e demokracisë sonë parlamentare. Më meritorin në udhëheqjen e Lëvizjes Vetëvendosje, liderin e vërtetë të transformimit social dhe demokratik, kryeministrin më të suksesshëm të Republikës sonë, Albin Kurtin”, ka deklaruar Konjufca.