Lëvizje befasuese: A po i bashkohet Liburn Aliu kabinetit të Edi Ramës? Publicisti hedh disa dyshime të forta

Publicisti Milaim Nela ka komentuar zhvillimet e fundit politike në vend, procesin e konstituimit tq Kuvendit, zgjedhjen e Dimal Bashës kryeparlamentar, si dhe dorëheqjen e Liurn Aliut nga posti i ministrit në detyrë në Ministrinë e Infrastrukturës.

Si fillim, ai për “Bota sot” përmendi raportimet se Aliu menjëherë pas dorëheqjes iu ka bashkuar ekipit të Edi Ramës.

Ai këtë e vlerësoi si një sinjal se Rama ka ‘dorë’ në bllokimin e institucioneve të Kosovës, madje përmendi edhe lobimet e tij për lirimin e Thaçit.

Publicisti Milaim Nela

“Emërimi siç po thuhet i Liburn Aliut në kabinetin e Edi Ramës menjëherë pas dorëheqjes së tij nga qeveria Kurti jo vetëm është indikacion se Rama ka dorë të fortë në bllokimin e institucioneve në Kosovë por se roli i tij në punët e zeza në Kosovë është shumë më i madh sa shqiptarët e kanë menduar deri më sot!

Dora e Edi Ramës nuk përjashtohet edhe në deklarimin e paprecedentë të zyrtarëve të BE-se se nuk do të takojnë asnjë zyrtar të Kosovës pa patur qeveri me mandat të plotë.

Madje, Nela vlerëson se një emërim potencial i Aliut në kabinetin qeverisës të Ramës do të isht ‘goditje’ për raportet Kosovë-Shqipëri.

Në këtë pikë, ai përmendi ehde Molliqajn, bashkëshortin e ish-ministres së Ramës.

“Ky emërim potencial është presion i drejtpërdrejtë mbi Albin Kurtin për tu tërhequr në opozitë përpos faktit që Vetvendosje është parti e parë e dalë nga zgjedhjet e 9 shkurtit!

Emërimi potencial i Liburn Aliut është jo vetëm diversion i hapur por edhe goditje e marrëdhënieve Shqipëri-Kosovë sepse kjo jep përshtypjen se Kosova jo vetëm e njeh legjitimitetin e një qeverie të dalë nga zgjedhje totalisht të manipuluara dhe të vjedhura por se edhe bëhet pjesë e saj.

Po ashtu protestat tek ura e re në Mitrovicë e Dardan Molliqajt partnerit të Besa Shahinit ish-ministreshë e Edi Ramës nuk është rastësi”.

Krahas kësaj, publicisti theksoi se zgjedhja e Bashës kryeparlamentar nuk e ka zgjidhur bllokadën.

Ai po ashtu, konsideron se Rmaa ka ndikim kyç te PDK dhe LDK-, e këtu përmendi refuzimin e votimit të Rashiq për nenkryetar Kuvendi.

“Zgjedhja aksidentale e Dimal Bashës në krye të Kuvendit jo vetëm nuk rezultoi në zgjidhje të krizës por publikimi i një punimi tejet kontravers të tij të para 12 vitesh e ka rënduar pozitën e Kosovês në ballafaqimin e vazhdueshëm me Serbinë në tryezat ndërkombëtare.

Ndikimi dhe influenca malinje e Edi Ramës tek PDK dhe LDK tashmë nuk është sekret.

Mos votimi i n/kryetarit të Kuvendit të Kosovës nga komuniteti serb e sidomos refuzimi edhe i Nenad Rashiqit tregon se fijet e këtij refuzimi e kanë fillesën në Beograd e nuk pêrjashtohet që këto fije të kalojne nga Tirana.

I gjithë ngërçi tashmë disamujor që ka bllokuar legjitimimin e institucioneve të Kosovës më së shumti ndihmon dhe është oksigjen për Aleksandër Vuçiçin në Beograd i cili ndodhet në pozitë tejet të vështirë përballë protestave të qytetarëve të tij.

Duket se trekëndëshi i së keqes Beograd, Tiranë e ka ngulur fort një kënd edhe në Prishtinë!”, shpjegoi ai.

“Lufta politike në Kosovë nuk është ideologjike mes të majtës e së djathtës!

Ajo nuk është thjesht rivalitet politik por në terma praktikë është luftë mes kampit pro serb e antiserb, është mes kampit pro-Soros e anti-Sorors. Mbi të gjitha është mes kampit proshqiptar e antishqiptar.

Sa më shpejt të kuptohet kjo nga mendjet e kthjellta në Prishtinë e këtu e kam fjalën nga politikanë të papërlyer nga i gjithë spektri politik shqiptar aq më mirë është jo vetëm për Kosovën dhe institucionet e saj por për interesin kombëtae shqiptar në përgjithësi”, përmbylli Milaim Nela