Liverpool në ankth, priten rezultatet e ekzaminimeve për Isakun

Liverpooli po pret me shqetësim rezultatet e ekzaminimeve mjekësore për Alexander Isak, pas dëmtimit të pësuar në fitoren 2-1 ndaj Tottenhamit.

Klubi ka frikë se blerja rekord mund të ketë pësuar një dëmtim serioz në këmbë, që do ta mbante jashtë fushave për një periudhë të gjatë.

Sulmuesi suedez u lëndua në momentin e shënimit të golit hapës dhe u detyrua të largohej menjëherë nga fusha, pa qenë në gjendje as ta festonte golin.

Trajneri Arne Slot pranoi pas ndeshjes se situata nuk duket e mirë, por theksoi se gjithçka do të qartësohet pas analizave mjekësore.

Liverpooli shpreson për lajme pozitive, teksa mungesa e mundshme e Isakut do ta rëndonte edhe më shumë situatën në repartin e sulmit, në një periudhë kur skuadra po përballet me disa mungesa të rëndësishme.