Livia vjen me rrëfim tronditës: Një burrë ka tentuar që të më përdhunojë kur isha 4 vjeçe

Ditën e sotme në shtëpinë e “Big Brother VIP 4” u zhvillua një lojë e veçantë, ku banorët duhej të tregonin një gënjeshtër dhe dy të vërteta

Gjatë kësaj loje, Livia ka bërë një deklaratë që i ka tronditur të gjithë. Banorja ka rrëfyer një ngjarje të ndodhur kur ishte vetëm 4 vjeç, ku një person i afërt i familjes e ka tentuar ta përdhunojë atë.

Livia ka shpjeguar se atëherë, si fëmijë, nuk e kishte kuptuar plotësisht atë që po ndodhte, por shumë vite më vonë, pasi dëgjoi një histori të ngjashme, kujtimet e ngjarjes iu rikthyen dhe ishte prekur emocionalisht, duke shpërthyer në lot.

Ajo tha se nëna e saj, së bashku me të, e kishte mësuar për këtë ngjarje disa vite më parë, tani që ajo është e rritur dhe sigurisht ishte tronditur shumë.

Ky rrëfim ka shkaktuar një reagim të fortë dhe ka lënë të gjithë të pranishmit të habitur dhe të emocionuar.