Aktuale, Lajme

Lladrovci ia mësyn selisë së PDK-së në Drenas, organizon koktej me rastin e fitores

Posted on by botaelajmeve

Kryetari i Drenasit, dhe fituesi i zgjedhjeve komunale për këtë post,  Ramiz Lladrovci  ftoi qytetarët e Drenasit që të festojnë fitoren.

Ai paralajmëroi se në orën 18: 30 do të hap zyrën ku ishte selia e Degës së PDK-së në Drenas.

Me ndjenjën më të lartë të përgjegjësisë njerëzore, institucionale e morale, shpreh respektin e thellë dhe falënderimin për çdo qytetar i cili kontribuoi që zgjedhjet në komunën tonë të zhvillohen në mënyrë shembullore.

“Megjithëse jemi në pritje të zyrtarizmit të rezultateve, kjo nuk na pengon të kemi një koktej për fitoren, jo vetëm fitore “Për Drenasin Kampion”, por fitore të qytetarëve krenarë e me integritet, të cilët kanë dhënë kontribut të jashtëzakonshëm para, gjatë dhe pas luftës çlirimtare dhe shtetndërtim.

Po ashtu ai  ka ftuar anëtarët e Shtabit zgjedhor “Për Drenasin Kampion” të vazhdojnë angazhimin në mbështetje të PDK-së në ato komuna ku ka mbëtur në balotazh.

“Ftoj të gjithë anëtarët e Shtabit zgjedhor “Për Drenasin Kampion” të cilët me përkushtim të jashtëzakonshëm e sollën fitoren meritore, të vazhdojnë angazhimin dhe japin kontribut me të gjitha mundësitë për fitore në degët e PDK-së të cilat janë në balotazh.Ky koktej nuk është përjashtim për ata që mendojnë ndryshe, as demonstrim i arrogancës së fitores, thjeshtë, është kthim te ambientet nga të cilat kishte dhe do të ketë vetëm fitore, me qytetarin e komunës së Drenasit në qendër dhe vizionit të heronjve tanë të luftës dhe paqes.Krenar me qytetarët kampionë të zemrës së Kosovës. Fitorja e qytetarëve të Drenasit, është fitore e madhe! Faleminderit!”, përfundoi Lladrovci.

Kujtojmë e Lladrovci garoi në zgjedhjet komunale të 12 tetorit jashtë PDK-së, pasi që kjo parti për kandidat për kryetar të Drenasit zgjodhi Petrit Hajdarin. Lladrovci  fitoi këto zgjedhje pa balotazh duke garuar edhe me partinë ku ai thotë se bën pjesë, PDK-në. Derisa Hajdari mbeti i dyti në kët garë