Lojtari i Liverpoolit vendos të largohet nga klubi pasi refuzoi të nënshkruante kontratë të re

Portieri i Liveproolit, Adrian, ka vendosur që të largohet nga klubi pasi refuzoi një kontratë të re të ofruar nga trajneri Arne Slot.

Kontrata e spanjollit skadon më datë 30 qershor, por Liverpooli i kishte ofruar atij një kontratë të re si pjesë e listës së mbetur të sezonit 2023/2024.

Tifozët ishin të befasuar nga ky lajm, duke marrë parasysh se 37-vjeçari nuk kishte luajtur ndonjë ndeshje zyrtare që prej Community Shield në vitin 2022.

Sidoqoftë, është tani Adrian ai i cili ka vendosur që e ardhmja e tij është larg ‘Anfield’, me klubin që e ka konfirmuar largimin e tij.

“Adrian largohet nga Liverpooli këtë verë pasi bëri një kontribut të çmueshëm në sukseset e klubit në pesë vitet e tij në Anfield”.

“Një figurë e famshme në mesin e bashkëlojtarëve dhe stafit, Adrian largohet nga Liverpooli me urimet më të mira nga secili pjesëtar i klubit”, thuhej në njoftimin zyrtar të Liverpoolit.

Destinacioni i tij i ardhshëm nuk është bërë i ditur ende, por sipas raportimeve të fundit ai pritet të transferohet në Spanjë tek Real Betisi.

“Në pesë vite, ju më keni dhuruar mua shumë gjëra. Të veshja fanellën e Liverpoolit dhe ta mbroja stemën e Liverpoolit në Anfield, duhet të shtohet në shtatë mrekullitë e botës”, ka thënë mes tjerash Adrian pas largimit.