LVV e konfirmon: Kurti do të marrë pjesë në takimin me presidenten

Kryetari i Lëvizjes Vetëvendosje dhe njëherësh kryeministri në detyrë, Albin Kurti, i ka kthyer përgjigje pozitive presidentes Vjosa Osmani lidhur me ftesën për takim më 15 maj.

Këtë e ka konfirmuar zëdhënësi për media i Lëvizjes Vetëvendosje, Arlind Manxhuka.

Ai në një përgjigje të shkurt ka thënë se “Po”, LVV do të marrë pjesë në takimin e thirrur nga presidentja.

Derisa edhe liderët e tjerë të partive, Memli Krasniqi, Lumir Abdixhiku dhe Ramush Haradinaj kanë konfirmuar pjesëmarrjen.

Takimi i thirrur nga presidentja Osmani synon të bashkojë liderët politikë për të diskutuar për ta zhbllokuar situatën politike në Kuvendin e Kosovës.